Kinyaze İbrahim Mirzoyev - Dile Min Bona Merivan Dikute

Di vê pirtûkê da behsa jîyan û karkirina zanyar-rohilatzan, Karmendê emekdar yê Komara Qazaxistanê, xelatgirê ordena «Құрмет» Kinyazê Îbrahîm Mîrzoyev tê kirinê. Doktorê zimanzanîyê, profêsor, akademîsyanê Akademîya Zanyarî ya Navnetewî ya Dibistana Bilind û Akademîya Zanyarîyên Civakî ya Qazaxistanê K. Î. Mîrzoyev weke 50 salên xwe dîyarî pêşketina zanyarîyê û perwerdehîyê kirîye. Ewî mamostatîya zanîngehan kirîye, serokatîya dayîreyên zanyarî-pedagogîyê yên mezin kirîye û kedeke mezin kirîye nava edebîyeta zanyarîyê da. Ew xudanê zêdeyî 500 nivîsên zanyarîyê ye, di nava wan da weke 30 berhem û pirtûkên perwerdehîyê-metodîyê. K. Î. Mîrzoyev karê xwe yê profesyonalîyê bi êginî berdewam dike, serokatî li kafedra fîlologîyayê û wergerê ya Rohilatê ya Zanîngeha pedagogîyê ya Netewî ya Qazaxistanê ya ser navê Abay dike. Ew endamê Şêwra Assambleya gelên Qazaxistanê ye, serokê Yekîtîya kurdên Komara Qazaxistanê ya bi navê «Berbang» e, endamê Yekîtîya Nivîskarên KQ û redaktorê sereke yê kovara edebî-wêjeyî, zanyarî-civakî û ronahîdarîyê «Nûbar» e. (Tanıtım Bülteninden)